काभ्रे,सिन्धुलीहुँदै काठमाण्डौँ जाँदै गरेका साधन काभ्रेपलान्चोक जिल्लाको काभ्रेभञ्याङमा चेकजाँच गर्ने क्रममा फर्जी बिल बनाई, बिल बिनाको सामान फेला पारी प्रहरीले नियन्त्रणमा लिएको वागमती प्रदेश प्रहरी कार्यालयले जानकारी दिएको छ ।
सिन्धुलीका भिमान,सिन्धुलीको मुख्य चेक प्वाइन्ट ट्राफिक चोक,हिरापानी,खनियाखर्क,खुर्कोट,रातमाटा र दुम्जा चेक प्वान्ट पार गर्दै अवै सामानहरु प्रहरीसँगको मिलेमत्तोमा पास भएका छन् । त्यस्ता सामानहरु काभ्रेमा फेला पर्न थालेका छन ।
पक्राउ परेका सामानहरु बा.प्र.०३,००१ ज ०४७३ नंम्वर को इभि गाडीमा ल्याएको लेहेङ्गा थान ५ व्लाउज थान १०० पिस अन्दाजी मुल्य १ लाख,बा ५ ख ७२७ नम्वर को हाइसमा ल्याएको मिक्चर थान १० मुल्य ५० हजार बराबरको,बा ४ ख ६३५६ नम्वरको हाईस गाडीमा कुर्था सुरुवाल सेट ३६, टप्स थान १३ पिस मुल्य ४० हजार नम्बर नखुलेको गाडीबाट २ वटा जेब्रा झोलामा मयूरको प्वाख फेला पारी नियन्त्रणमा लिएको वागमती प्रदेश प्रहरी कार्यालयले जनाएको छ ।
