सिन्धुली,सिन्धुलीको मरिण गाउँपालिकामा शनिवार चट्याङ लागेर एक जनाको मृत्यु भएको छ । मरिण गाउँपालिका वडा नम्बर ७ मरिण खोला नजिकै महेश्वताको पुच्छार चौरीमा गाईवस्तु चराई रहेका ६५ बर्षका चन्द्र बहादुर माझीको चट्याङ लागेर मृत्यु भएको हो ।
चट्याङ लागेर गम्भिर घाईते भएका माझीलाई उपचारको लागि कपिलाकोट प्राथमिक स्वास्वा केन्द्रमा ल्याए पनि डाक्टरले मृत घोषणा गरेको इलाको प्रहरी कार्यालय कपिलाकोटले दिए ।
