सिन्धुली,कमलामाई नगरपालिकाले वडा वडामा तीज विशेष कार्यक्रम गर्ने भएको छ । गतवर्षहरुमा पनि नगरपालिकाले वडा वडालाई बजेट विनियोजन गरि दर खाने कार्यक्रम आयोजना गरी महिलाहरुलाई दर खुवाउन वडा कार्यालयलाई पत्राचार गरेको छ ।
१४ वटा वडा रहेको नगरपालिकाले तीजको दर खाने कार्यक्रमका लागि प्रतिवडा २५ हजार रुपैयाँ विनियोजन गरेको समेत पत्रमा उल्लेख गरेको छ ।
प्रमुख प्रशासकीय अधिकृत सूर्यप्रसाद दाहालले सबै वडा कार्यालयलाई पत्राचार गरेका हुन । उनले पठाएको पत्रमा आ–आफ्नो वडामा रहेका महिला समूह, किशोरी समूह, महिला सहकारी संस्थाहरु, बालक्लबहरु तथा अन्य सरोकारवालाको सहभागितामा तीज विशेष कार्यक्रम मनाउन निर्देशन गरिएको छ ।
कार्यक्रमको उपस्थिति, विल भर्पाहि, कार्यक्रमको फोटो, कार्यक्रम सम्पन्न गरेको प्रतिवेदन र वडाको सिफारिस सहित भुक्तानी माग गर्न समेत पत्र मार्फत निर्देशन गरिएको छ ।
