सिन्धुली,नेकपा एमालेको भातृ संगठन युवा संघ नेपाल सिन्धुलीको जिल्ला अधिवेशनको मतदान प्रकृया सुरू हुँदै गर्दा एक पक्षले मतदानको लागि राखिएको मतपेटिका मिल्काई दिएको छ ।
युवा संघ सिन्धुलीको अध्यक्षको लागि हरिहरपुरगढीका दिपक माझी र कमलामाई नगरपालिका ७ का अरूण भोक्तान उम्मेदवारी दिएका थिए । मतदानको लागि राखिएको मतपेटिका मिल्काए पछि एमालेको पाटी कार्यलयमा प्रहरी राखिएको छ ।
मतपेटिका मिल्काए पछि निर्वाचन प्रकृया स्थगित भएको नेकपा एमालेका एक नेताले जानकारी दिए । चुनावी नतिजा आफ्नो पक्षमा नआउने भएपछि भोक्तान पक्षले मतपेटिका मिल्काएको आरोप अध्यक्षका उम्मेदवार दिपक माझीले आरोप लगाए ।
