सिन्धुली – नेकपा माओवादी केन्द्रले संचालन गरेको ‘घर–घरमा माओवादी, जन–जनमा माओवादी विशेष अभियान’ पुर्णरुपले सम्पन्न गर्न अभियानको नेतृत्व असफल भएको छ ।
भदौ १७ गते देखी सुरुभएको घर घरमा माओवादी, जन–जनमा माओवादीले देशैभर विशेष रुपान्तरण अभियान संचालन गरेको थियो । अभियानको मख्य उदेश्य नयाँ सदस्यता विस्तार, संगठन सुदृणिकरण, जनतासँग जन–सम्पर्क लक्षित कार्यक्रम संचालन गर्ने, सवै स्थानिय तहको वडा सम्मेलन गर्नु पर्ने रहेको थियो ।
तिनपाटन गाँउपालीकाको ११ वटै वडामा अभियान सम्पन्न भएको गाँउपालिकाका उपाध्यक्ष अशोक पुलामीले जानकारी दिए । पार्टीले दिएको अन्तिम डेटलाईन पुस ९ गते थियो । त्यो निर्धारित समयमा नै आफुहरुले अभियान सम्पन गरेको पुलामीले वताए । पुस १० गते पालीकास्तरमा समिक्षा वैठक तथा ११ र १२ गते जिल्ला समन्वय कमिटीको समिक्षा वैठक गर्नु पर्ने निर्देशन पार्टीको थियो उनले भने ।
जिल्लाको नौं स्थानिय तहको ७९ वडामा पुस ९ गते अगावै वडा सम्मेलन सम्पन्न गरि सक्नु पर्नेमा सदरमुकाममा रहेको कमलामाई नगरपालीकाको कतिपय वडामा भेला र सम्मेलन नगरि अभियान समापन भएको छ ।
दुधौली नगरपालीका १४, तिनपाटन गाँउपालीका ११, फिक्कल गाँउपालीका ६, गोलन्जोर गाँउपालीका ७, सुनकोशी गाँउपालीका ७, घ्याङलेख गाँउपालीका ५, मरिण गाँउपालीका ७ का साथै हरिहरपुगढी गाँउपालीकाको ८ वटा वडामा भेला, सम्मेलन र नयाँ नेतृत्व चयन गरिएको छ ।
