सिन्धुली,खाजा खाने बहानामा होटलमा बालिकालाई बन्धक बनाई बलात्कार गरेको आरोपमा प्रहरीले पक्राउ गरेको हो ।
जिल्ला प्रहरी कार्यालय सिन्धुलीका प्रहरी नायव उपरीक्षक चिरञ्जीवी दाहालका अनुसार पक्राउ पर्नेमा धनुषाको मिथिला नगरपालिका ३ का ३६ वर्षीय सत्रोधन महतो र सोही ठेगाना भएका २६ वर्षीय तिलक कुमार महतो रहेका छन् ।
उनीहरुले पुस २ गते बालिकालाई ललाई फकाई घुम्न जाऊँ भनी सिन्धुलीको एक होटलमा बन्धक बनाएको र बलात्कार गरेको भन्दै पीडित पक्षले इलाका प्रहरी कार्यालय भिमानमा उजुरी दिएको थियो । उजुरीका आधारमा उनीहरूलाई पक्राउ गरिएको दाहालले बताउनुभयो ।
जिल्ला अदालत सिन्धुलीबाट ५ दिनको म्याद थप गरि आरोपितलाई हिरासतमा राखेर अनुसन्धान सुरु गरिएको प्रहरी नायव उपरीक्षक दाहालले जानकारी दिनुभयो ।
