सिन्धुली, सिन्धुलीमा प्रहरीले आईतवार बेवारिसे अवस्थामा दुईवटा मोटरसाइकल फेला पारेको छ । प्रहरी चौकी ढुंग्रेबासबाट खटिएको प्रहरी गस्तिको टोलीले बेवारिसे अवस्थामा दुईवटा मोटरसाइकल फेला पारेको हो ।
कमलामाई नगरपालिका वडा नम्वर ४ हिरापानीस्थित साथि होटल जाने शाखा सडकमा बागमती प्रदेशको ०२–०३३ प २६५९ नम्बरको कालो २०० सि.सिको पल्सर एन एस् मोटरसाइकल र प्रदेश २–०२–००४ प १२९१ नम्बरको २०० सिसिको रातो एनएस मोटरसाइकल बेवारिसे अबस्थामा फेला पारेको जिल्ला प्रहरी कार्यालय सिन्धुलीका प्रबक्ता चिरन्जिवी दाहालले वताए ।
उनका अनुसार बेवारिसे मोटरसाइकल जिल्ला प्रहरी कार्यालय सिन्धुलीमा ल्याइ अनुसन्धान पछि प्रदेश ०२–०३३ प २६५९ नम्बरको कालो २०० सि.सि.को मोटसाइकल सम्बन्धी धनीलाई बुझाइएको छ ।
उक्त मोटसाइकल धनि ईलाम पञ्चकन्या नगरपालिका वडा नं। ६ घर भई हाल बालकुमारी काठमाडौ बस्ने ३० वर्षिय पुजन राईको खुलेको थियो । यस्तै, प्रदेश २–०२–००४ प १२९१ नम्बरको मोटरसाइकल धनिको पहिचान भने नखुलेकोले जिल्ला प्रहरी कार्यालय सिन्धुलीमा राखि अनुशन्धान भइरहेको प्रवक्ता दाहालले जानकारी दिए ।
