सिन्धुली,नेकपा एमालेको आठौं जिल्ला अधिवेशनबाट सिन्धुली अध्यक्षमा महेन्द्रदेव श्रेष्ठ निर्वाचित भएका छन् । निवर्तमान अध्यक्ष कुमारबहादुर कार्कीलाई १ सय ३७ मतअन्तरले पराजित गर्दै श्रेष्ठ अध्यक्षमा निर्वाचित भएका हुन् । खसेको मत ७ सय ५४ मा श्रेष्ठले ४ सय ४१ पाउँदा कार्कीले ३ सय ४ मत प्राप्त गरे । ७ सय ८४ प्रतिनिधिमा ३० जना अनुपस्थित रहेका थिए ।
त्यसैगरी उपाध्यक्षमा ३ सय ९४ मतका साथ कर्णबहादुर घिसिङ निर्वाचित भएका छन् । निवर्तमान उपाध्यक्ष घिसिङले खड्गबहादुर रजन मगरलाई ५३ मतअन्तरले पराजित गरेका हुन् । रजन मगरले ३ सय ४१ मत प्राप्त गरेको निर्वाचन अधिकृत पदम मगरले जानकारी दिए ।