सिन्धुली नेकपा माओवादी केन्द्र सिन्धुलीको सहायक संगठन वाईसिएल नेपालको जिल्ला अधिवेशन यही पुस ५ गर्ने भएको छ । माओवादी केन्द्र सिन्धुलीका जिल्ला इन्चार्ज तथा प्रतिनिधि सभा सदस्य लेखनाथ दाहाल(राजन)को उपस्तिथिमा शुक्रवार सम्पन्न वैठकले अधिवेशन गर्ने निर्णय गरेको हो ।
मंसिर मसान्त भित्र जिल्लाका नौ वटै स्थानिय तहमा वाईसिएलको अधिवेशन सम्पन्न तथा प्रतिनिधि छनोट गर्ने निर्णय गरको छ । सिन्धुलीको वैठकलाई निर्देशन दिँदै साँसद दाहालले माओवादी केन्द्रको सहायक संगठन वाईसिएल नेपालले पार्टी नेतृत्वलाई ठिक ठाँउमा अघि वढ्न रचनात्मक सुझाव दिनु पर्ने वताए । पार्टीको सहायक संगठन भएकोले नेतृत्वलाई सुझाव सहितको हस्तक्षेप पनि आवश्यक भएको वक्ताहरुले वाईसिएल नेपाललाई वक्ताहरुले सुझाव दिएका थिए । कार्यक्रम वाईसिएल नेपाल सिन्धुली जिल्ला अध्यक्ष किरण लामाको अध्यक्षतामा सम्पन्न भएको थियो ।
