सिन्धुली,सिन्धुलीको सुनकोशी गाँउपालिकाको आयोजनामा वुधवारदेखी चौथो राष्ट्रपति रनिङ शिल्ड प्रतियोगीता सुरु भएको छ । प्रतियोगीताको उद्घाटन प्रतिनिधि सभा सदस्य लेखनाथ दाहाल (राजन) ले गरेका हुन ।
प्रतियोगिताको उद्घाटन गर्दै कार्यक्रमका प्रमुख अतिथि तथा प्रतिनिधी सभा सदस्य दाहालले खेलाडीको प्रतिभा केन्द्रीकृत गर्ने कार्यक्रमलाई स्थानियतह, प्रदेश सरकारले प्राथमिकतामा राखेर खेलकुद र खेलाडिको मनोवल वढाउन आवस्यक रहेको वताए ।
मन्तव्यको क्रममा दाहालले माध्यमिक तहको शिक्षा विधेयक प्रतिनिधि सभामा पेश भएको जानकारी दिए । उनले भने, ‘संसदवाट विधेयक पास भए पछि हरेक माध्यमिक विद्यालयमा खेलकुद शिक्षक रहने छन् ।’
