सिन्धुली,जिल्ला प्रहरी कार्यालय सिन्धुलीले जेनजी आन्दोलमा जिल्ला अदालत,जिल्ला प्रशासन कार्यालय सहित व्यक्तीका घरहरु,पार्टी कार्यालय आगजनी,लुटपाट र तोडफोडमा संलग्न भएको आरोपमा करिव आधा दर्जन जनालाई प्रहरीले पक्राउ गरेको छ । पक्राउ गरीएका सवैलाई जिल्ला अदालतवाट ७ दिनको म्याद थप गरी प्रहरीले उनहरुमाथी थप अनुसन्धान सुरु गरेको छ ।
एक कानुन व्यवसायीका अनुसार रामु राम,फौदवहदुर थापामगर,रवन चौधरी,सुरज गौतम,सुजन साह सहितका व्यक्तीहरुलाई अदालतमा म्याद थप गर्न ल्याएको थियो । प्रहरीले पक्राउ गरेका व्यक्तीहरुको नाम सार्वजनिक गरेको छैन । जिल्ला प्रहरी कार्यालय सिन्धुलीका प्रमुख प्रहरी उपरिक्षक लालध्वज सुवेदीले पक्राउ परेका व्यक्तीहरुको नाम दिन ईन्कार गरे । पक्राउ गर्नुको कारण पनि खुलाउन अस्वीकार गरे । आगजनी,तोडफोड र लुटपाटमा संलग्न अन्य व्यक्तीहरुलाई प्रहरीले खोजी कार्यतिव्र वनाएको छ ।
